నిన్ను నీవు నిలబెట్టుకోవడమే నీ జీవిత గమనంలో నిజమైన బలం - Kallem Naveen Reddy

ఎవరినీ ఎవరు ఏమి చేయలేరు కాలమే అంతా తీర్పుగా ఉంటుంది పరుల నడకను ప్రశ్నించినా గమ్యం మారదు ఆగదు! గాలిని పట్టివేయగలరా? నదిని నిలిపేయగలరా? మనసు మెచ్చిన మార్గాన్ని ఎవరైనా వెనక్కి తిప్పగలరా? ఇతరుల బాటలో ముళ్ళు వేస్తే నిజం మరుగున పడిపోతుందా? తన దారిలో తనదైన ముద్ర ఎప్పటికీ ఎన్నటికీ చెరిగిపోదు చెదిరిపోదు! అందుకే ఇతరుల ప్రస్తావన విడిచి మీ మీ లక్ష్యం వైపు సాగిపోండి ఎందుకీ అనవసర ఆలోచనలు? మీ స్వప్నాల కోసం నడవండి! పర్వత శిఖరమును చేరాలంటే మీ ప్రయత్నం గురించి చర్చించండి అడుగు వెనక్కి వేసే ముందు మీ బలాన్ని గురించి ఆలోచించండి! చెప్పే వారెందరో ఉంటారు కానీ నీడల్ని నువ్వే వెతుక్కోవాలి నిన్ను నీవు నిలబెట్టుకోవడమే నీ జీవిత గమనంలో నిజమైన బలం!