కేసిఆర్ సభ - తొవ్వ ముచ్చట్లు

 కేసిఆర్ సభ - తొవ్వ ముచ్చట్లు 

ఒక వ్యక్తి మాటను వినాలని

ఒక వ్యక్తినీ నేరుగా చూడాలని

అలలెత్తిన జనసముద్రం

నా కళ్లెదుట పరవసించెను!

ప్రతి చూపులో ఆశ

ప్రతి అడుగులో ఆకాంక్ష

ప్రతి హృదయంలో ఓ స్పందన 

అదంతా నా హృదయాన్ని తాకింది!

ఆ అద్భుతమైన క్షణాల్లో

ఆ జన ప్రభంజనం మధ్యన 

తన్మయత్వపు స్రవంతిలో

నా మనసు మునిగిపోయింది!

ఓ మాటకు కట్టుబడి వచ్చినా 

ఆ వ్యక్తిని చూసి తపించిన క్షణం

అటువైపుగా తరలివచ్చిన ఆ జనాలు

నా చూపులో నిండిపోయారు!

ప్రతి సభ ఒక చరిత్ర

ప్రతి మాట ఒక శిలాశాసనం

ప్రతి కల ఒక హృదయాన్ని తడిపే చిరునవ్వు

ఈ అనుభూతులన్నింటికి 

నిండుగా నిలిచే నామధేయం ఒక్కటే

అది మనందరిలో గర్వంగా ప్రతిధ్వనించే పేరు 

- బాపు కేసీఆర్ గారు మాత్రమే!  

- Kallem Naveen Reddy

నమస్తే తెలంగాణ నేను మళ్ళీ రావడమేంది? జూలూరు గౌరీశంకర్

నేను ఏరువాకను విత్తనాన్ని, మొలకని, మొక్కని పంటల కంకిని, గ్రీష్మాన్ని, వసంతాన్ని, రుతువులను, కాలాన్ని, నా లక్ష్యంతో కనిపెంచిన స్వప్నాన్ని జన వచనంతో గానం చేసిన బహు వచనాన్ని నేను మళ్లీ రావడమేంది? నేనే నేలైనప్పుడు నేల విడిచి పోవటమేమిటి? నా చేతులతోనే మడులకు నీళ్లు పెట్టిన ఆకుపచ్చ కలను చూసి పరవశించిన తరచి తరచి తడిమి తడిమి గూడు అల్లిన నా అస్తిత్వం నా స్వప్నం, నా ప్రాణం, నా లక్ష్యం పోతయా వస్తయా నేను మళ్ళీ రావడమేంది? కర్తవ్యాన్ని ధరించిన సైనికుడను కాలం ప్రాణమున్నంత వరకు కాలంతోటే ఉంటా కరువులను తరిమేసిన ధాన్యం నా రాజ్యం తెర్లయిన బతుకుల్ని తేటబర్లడం నా ధ్యేయం గంగాజమునా తెహజీబ్ కాపలాదారున్ని నా ఫలించిన స్వప్నాన్ని జాతి జెండాగా ఎగరేస్తున్నా నేను మళ్ళీ రావడమేంది? నీళ్ళలోకి చూడు / నా నీడే కనిపిస్తది చీకట్లనడుగు/ వెన్నెల నన్నే చూపిస్తది బడిపిల్లల నడుగు గురుకులాల్లో నన్నే చూస్తరు నేనెక్కడికి పోయానో చెప్పమనండి అంబేద్కర్ చూపుడువేలు సాక్షిగా విముక్త ఉద్యమానికి పచ్చబొట్టునని చెప్పండి ఈ మట్టి విశ్వవిఖ్యాతికి నేను రూపాన్ని తెలంగాణకు అచ్చమైన ప్రతిరూపాన్ని నేను మళ్ళీ రావడమేంది. నేను ఇక్కడే ఉన్నా నేను ఇక్కడి/ అణువణువులోపలి ఆత్మని

మంచిమాటలు 877 to 966

మంచిమాటలు 877. ఉత్తముని కోపము - ఒక నిమిషము - నీటి పై వ్రాతవలె మధ్యముని కోపము - రెండు గడియలు - ఇసుకపై వ్రాతవలె అధముని కోపము - ఒక రోజు - పలకపై వ్రాతవలె అధ మాధముని కోపము - చావు వరకు - శిలా ఫలకము పై చెక్కిన అక్షరములవలె కోపము వెంట పడవద్దు కోపానికి బానిస కావద్దు 878. జ్ఞానం అనేది - తరగని ధనాగారం సాధనము అనేది - దానిని తెరచే తాళం తాళం - ఎవడి సొంతమో ధనాగారం - అతని సొంతమే 879. జీవితంలో సమస్యలే లేక పోతే - అభివృద్ధికి అవకాశమే లేదు సమస్యలను సక్రమంగా అధ్యయనం చేసుకో - అభివృద్ధికి పునాది వేసుకో 880. ఊహించనిది - జరిగితే దానిలోనే జీవించటం - నేర్చుకో 881. బాధ్యతను బరువుగా భావించి - తప్పుకోకు బాధ్యత - స్వధర్మంగ భావించి సక్రమంగ - నిర్వహించుట మానుకోకు 882. కృతఘ్నుని స్నేహం - నీటిపై రాత లాంటి ది నీటిపై రాతలు కనపడవు, నిలబడవు - జాగ్రత్త పాటించాలి 883. ధర్మ ప్రవృత్తి గల వానిని - దూషించువాడు ఆకాశము వంకచూసి - ఉమ్మి వేయు వాని వంటి వాడు 884. మంచి ప్రవర్తన - అన్ని చదువుల కంటే మిన్న ప్రవర్తన సరి లేనిచో చదివిన చదువులన్ని సున్న 885. మానవ జీవితం - ఒక అద్భుతమని భావించు జీవితాన్ని సద్వినియోగ పరచు - సార్ధకత చేకూర్చు మరు జన్మ వచ్చినా - ఉత్తమ జన్మ వచ్చునని భావించు 886. కొందరి మాటలు - అధమం వాగ్దానాలు - అత్యధికం ఆచరణ మాత్రం - అత్యంత శూన్యం అమలు పరచలేని - వాగ్దానాలు చేయకు చేసిన వాగ్దానాలు - అమలు పరచుట మరవకు 887. నీ పుత్రులలో ఉన్న వానిని - ప్రేమతో పలుకరించు నీ పలకరింపుతో - అతను పులకరించు 888. చేసిన తప్పుకు - క్షమాపణ కోరుము క్షమాపణ కోరితినని - మరో తప్పు చేయకు 889. పిచ్చి ఆలోచనలతో - విసిగిపోకుము మంచి ఆలోచనలతో - మనశ్శాంతి పొందుము 890. ఒక సదవకాశం చేజారిపోతే కన్నీళ్ళు - పెట్టుకోకు మరో అవకాశం - చేజారి పోతుంటే జాగ్రత్త - పడుము 891. ఇతరులను జయించే వాడు - బలవంతుడు తనను తాను జయించుకునే వాడు - శక్తిమంతుడు 892. ఆరోగ్యమే మహా భాగ్యం - అందరికీ తెలుసు సంతృష్టమే మహా సంపద అని - కొందరికే తెలుసు 893. తనలో - తప్పు లేనప్పుడే ఆగ్రహించవలసిన అవసరం - లేదు తప్పు చేసినప్పుడు - నిగ్రహంగా సమాధానం చెప్పుటలో విసుగు చెందకు 894. మరణించిన తరువాత - జీవించాలంటే జీవించినంత కాలం ఉన్నతంగా, ఉత్తమంగా - జీవించాలి 895. మంచితనాన్ని - కాలం కూడా కబళించలేదని - గ్రహించాలి 896. ఆయుధాలు తమంత తాము - ఎవరికిని ప్రమాదము కలిగించవు మనిషిలోని కోపమే - ప్రమాదమును కలిగించును 897. భగవంతుని ఆరాధించు - తోటి మానవుని గౌరవించు 898. నీ మాటలు - గొప్పవే కావచ్చు నీ ప్రవర్తన బట్టి - నిన్ను అంచనా వేస్తారని భావించు 999. ఆ ఆవేశంతో - ఊగిపోతావా! నీవు ఎంతో శక్తిని - కోల్పోతావు 900. ఇతరుల మంచికే - తీసుకో నీలోని దోషాలు - చూచుకో 901. మంచి పనులకు హృదయాన్ని జోడించు చెడ్డ పనులను - మనస్సులో కూడ ఊహించకు 902. భగవంతుడు సర్వోన్నతుడైన - సహచరుడుగా భావించు మరియు నీ శ్రేయుభిలాషియని - గ్రహించు ఈ సత్యాన్ని మరచినప్పుడు - ఒంటరివానివయనట్లేనని గమనించు భగవంతుడు గమనించలేదని - భావించకు సర్వ సాక్షిగా ఉన్నాడని మరువకు మంచిమాటలు 903. సహనం మరియు మౌనం - ఎయిర్ కండిషన్ వలె పని చేస్తాయి మనిషిలోని సామర్థ్యాన్ని - అధికం చేస్తాయి 904. ఎప్పుడూ ప్రశాంతత లభించాలని అభిలషిస్తావా! అన్నివేళలా మనసును - అదుపులో పెట్టుకో! 905. సర్వులను సర్వ కాలము - మోసగించలేము మోసము వద్దు - సహకారం ముద్దు 906. కోపాన్ని - ప్రయోగించకు వినయాన్ని - ఉపయోగించు విజయాన్ని - చేకూర్చు 907. అసూయకు - సమాధి కట్టుము మానవత్వానికి - విలువ చేకూర్చుము 908. ఉన్నతంగా - ఆలోచించు ఉత్తమునిగా - జీవించు 909. ఆపదలో - ఆదుకొనువాడే ఆత్మ - బంధువు 910. గౌరవము - నీకే అవసరమని భావించకు అందరికి - అవసరమని మరువకు ఇతరులను - గౌరవించుట అది నీకే - గౌరవమని భావించుము ఇతరుల గౌరవం - పొందాలంటే ముందు వారినే - గౌరవించుము 911. శక్తి కంటే - యుక్తి గొప్పది యుక్తి అవసరమైన చోట - శక్తి పని చేయదు చేపను పట్టుకొనుటకు - శక్తి పని చేయదు యుక్తియే - ఉపయోగపడును 912. మృదువైన మాట - కోపాన్ని చల్లార్చుతుంది నొప్పించే మాట - కోపాన్ని కలిగిస్తుంది. 913. పక్షిలా ఎగరడం సాధించాడు మానవుడు మానవుడుగా జీవించడం - సాధించలేక పోతున్నాడు 914. వెయ్యి మైళ్ళ - ప్రయాణానికైనా ఒక్క అడుగు తానే - ప్రారంభం ఏ ఘన కార్యానికైనా - ధృడమైన సత్సంకల్పమే - పునాది 915. ఒకరి పై ద్వేషం - పెంచుకొనుట తన వికాసాన్ని - తానే ఆపుకొనుట వంటిది 916. అందరి ముందు - ఆగ్రహించుట కంటే ఒంటరిగ కలిసి - మందలించుట ఉత్తమం 917. మాట్లాడే వాడి మాటల్లో - ఆలోచన ఉండదు కర్రతో కొట్టి నీటిని - వేరు చేయలేము అజ్ఞానికి నీతులు బోధించి - బాగు చేయలేము అయినా ప్రయత్నించి - సఫలమవుదాము 918. ఊరికి దారి చూపించే బోర్డు - అవసరమే ఊరికి మన కాళ్ళతోనే - నడవాలి పెద్దలు మంచి మార్గమును చూపుతారు ఆ మార్గములో పయినించి - గమ్యము చేరాలి 919. శాస్త్రవాక్యం అమోఘమే - అర్థం చేసుకొనుటలో తిరోగమనమే శాస్త్రవాక్యం అర్థం తెలుసుకో - అమలుచేసి ఆనందించుట నేర్చుకో 920. కూలి వాని చెమట - ఆరక ముందే శ్రమకు తగిన ప్రతిఫలం - అందించు కూలివాని ప్రతిఫలములో - వాటాలు కోరువారు వున్నారు వాటాలు కోరవద్దు - తంటాలు పెట్టుకోవద్దు 921. పెద్ద పెద్ద కార్యక్రమాలను - చేస్తున్నవారు విలువైన చిన్న విషయాలను దాటవేస్తున్నారు మంచి విషయాలు చిన్నవైనా - పెద్ద బుద్ధితో అమలు పరచు ఆనందించు 922. సోదరత్వం కన్న - ఆత్మ తత్వం మిన్న 923. పగిలిపోయిన బొమ్మల కొరకు - పిల్లలు ఏడుస్తారు నలిగిపోయిన జీవితాల కొరకు - పెద్దలు ఏడుస్తారు జీవితాలను శాంతిమయం చేయుటకు ప్రయత్నిస్తారు 924. కరెంటు లేని బల్బు - వెలుతురు నివ్వదు ప్రేమ లేని హృదయం - శాంతి నివ్వదు 925. ఎంత చెడ్డ వానిలో కూడా - కొంత మంచి వుంటుంది హంస నీటిని వదిలి - పాలనే స్వీకరించినట్లు మంచినే స్వీకరించి - చెడును వదిలేస్తాం 926. దేవునిపై వున్న భక్తి - జీవులపై కూడా ఉంచుము దేవుని పూజించు - జీవులను రక్షించు 927. సంతృప్తి నుండి - ఆనందం ఉదయిస్తుంది ఆనందం - అన్ని సమకూరుస్తుంది 928. అదృష్టం కొరకు - ఎదురు చూడకు ప్రయత్నించుట - మానివేయకు ప్రయత్నం చేయక - పలాయనం చెందకు సోమరి తనానికి - చోటు కల్పించకు 929. కష్టమైన పనియైననను - ఇష్టమనిపిస్తే కష్టమనిపించదు కావున కష్టమైనను - మంచి పనులు ఇష్టంగ చేయుము 930. జీవితం సాఫీగ - సాగాలంటే కోరికల నుండి - విడుదల కావలసిందే 931. ఇతరులను విమర్శించే - సమయాన్ని ఇతరులలోని - మంచిని గ్రహించుటకు కేటాయించు 932. బాధ్యతగ - వ్యవహరించు విజయం నీదే - అని భావించు విజయాన్ని సాధించిన - ప్రతి వ్యక్తి బాధ్యతను - స్వీకరించిన వాడే అని గ్రహించు 933. సత్యాన్ని - బోధించు అసత్యాన్ని - ఖండించు అశుభాన్ని - నివారించు ఆనందాన్ని - అనుభవించు అదే జీవితమని - భావించు 934. నిన్ను నీవు నిర్దయగ - విమర్శించటం నేర్చుకో అప్పుడు నీవు ఇతరుల యెడల - దయతో మెలగడం నేర్చుకోగలరని తెలుసుకో 935. మనిషిని - సముదాయించు మనస్సుకు - శాంతి చేకూర్చు 936. శాంతిని ఆకర్షించే - అయస్కాంత శక్తిని సాధించు అశాంతితో బాధపడే వారంతా - నిన్ను ఆశ్రయిస్తారని భావించు 937. భగవంతుని ఉనికిని - గుర్తించు సర్వం సాధించినట్లేనని - భావించు 938. సంపద పోతే - ఏమి కోల్పోయినట్లు కాదు ఆరోగ్యం లోపిస్తే - కొంత పోగొట్టుకున్నట్లే శీలం పోతే - సమస్తం పోయినట్లే 939. సమస్యల గురించి ఎంత ఆలోచించామనేది - సమస్య కాదు పరిష్కారం ఎంత వరకు సాధించామన్నదే - అసలు సమస్య 940. ప్రేమ తత్వం - పరిమితులు లేనిదై యుండాలి హద్దులు, సరిహద్దులు - దానికి అంటకుండా ఉండాలి 941. కర్రలూ, రాళ్ళు - ఎముకలనే విరగ గొడుతాయి కఠిన మాటలు - (మనుష్యుల మధ్య సంబంధాన్ని విరగ గొడతాయి) మనుషులకు బాణాల్లాగా గుచ్చుకుంటాయి 942. ఇతరులతో - సరిపోల్చు కోవడం ప్రారంభించావా! అసూయ అయినా - పెరగవచ్చు అహంకారమైనా - అధికం కావచ్చు అసూయ వద్దు - అహంకారం అసలే వద్దు అసూయను అంతము చేయుము - అహంకారాన్ని అణగ ద్రొక్కుము 943. చింతలు లేని వాడు - చిరునవ్వు నవ్వగలడు చింతించు వాడు - విరక్తి చెందగలడు 944. నిన్నటి దినం పొరపాటుతో - వృథా చేశావు ఆ దిగులుతో ఈ దినం - వ్యర్థం చేసుకోకు కొన్ని మరుచుట - అవసరం మరికొన్ని గుర్తుంచుకొనుట - అత్యవసరం 944. కష్టాలను మరచిపో - భగవంతుని గుర్తుంచుకో కర్మ ఫలాన్ని - అనుభవించుటకు సహజ శక్తి - ప్రదర్శించు సహన శక్తి - కోల్పోతే పక్వం కాని ఫలాన్ని - తినాలని తొందరపడినట్లే 946. చిన్న చిరునవ్వు - నవ్వుము ఎంతటి కష్టమైన - పనినైనా సు సాధ్యం - చేసుకొనుము 947. నిత్య సంతోషులు - ఎన్నడును సోమరులు కారు సోమరి తనము - గొప్ప దురలవాటు 948. పరుల సంతోషం - నీ సంతోషంగ భావించు పరుల బాధలు నీ బాధలుగ - భావించి సహకరించు పరులను సంతోషింపచేయుట - ఒక వరముగ ఊహించు 949. సత్ శీలం లేకపోతే - నిన్ను ఎవరు గౌరవించరు సద్గుణాలు కలిగియుండుము - అందరి గౌరవము అందుకొనుము 950. జీవితం ఒక నాటకం - అనుకున్న వాడికి సంతోషం వాడికి స్వాగతిస్తుంది 951. అజాగ్రత్త చిన్నదైనను - కీడు అధికము నిరంతర జాగ్రత్త సదా అవసరం 952. అసూయను మించిన - రోగం లేదు ప్రేమకు మించిన - ఔషధం లేదు 953. సృష్టి మారదు - దృష్టిని మార్చుకో 954. గుణమును - గుర్తించు, కులమును - విస్మరించు 955. దీర్ఘ జీవితము కంట, దివ్య జీవితము గొప్ప 956. పోయిన సమయం రాదు - ఉన్న సమయం వృధా చేయకు 957. రాముడైనా - రహీమైనా, ఏసు - ఐనా, ఈశ్వరుడయినా పూజల కన్న సత్ ప్రవర్తనే మిన్న అని తెలుసుకో 958. అన్నదమ్ములలో - ఐక్యత లేదు అన్నదుమ్ములనే పదానికి - అర్థమే లేదు నీ పొరుగు వానిని - నీ వలె ప్రేమించు ఎవరిని ద్వేషించకు - నీవలె ఆదరించు 959. కష్టాలను చూసి - కంగారు పడకు కష్టాలను ఇష్టంగ - ఆహ్వానించుట మరువకు కష్టాలు - కనుమరుగు అగునని భావించు 960. ప్రతి రోజు దైవ ప్రార్థనతో - జీవితం ప్రారంభించుము దానముతో ఆ రోజును - ముగించుము 961. ప్రార్ధన దైవమునకు - దారి చూపుతుంది దానము దేవునికి - దగ్గర చేరుస్తుంది 962. ప్రార్ధన కొంత వరకే - ఉపకరిస్తుంది సత్ ప్రవర్తన - సదా ఉపకరిస్తుంది 963. దానమందు - నిదానము పనికిరాదు కష్టాలల్లో ఉన్నవానికి - సహకరించుము భగవంతుని మెప్పించినట్లు - భావించుము. 964. డబ్బును సక్రమ మార్గములో సంపాదించుము డబ్బును - సద్వినియోగపరుచుము డబ్బును సద్వినియోగ చేసి - సంతృప్తి చెందును 965. గాలి దూరని చోటు - ఉంటుంది దేవుడు లేనిచోట - లేనే లేదు 966. పేదలకు అండగలేని నీవు - దండగ పేదల కడుపు కొట్టకు - పెనుముప్పు పొందకు ****************************************

మంచిమాటలు 803 to 876

మంచిమాటలు 803 to 876 803. ఏ మతం చెప్పినా - మత గ్రంధాలు చెప్పినా పరోపకారముతో - పుణ్యము చేకూరును పర పీడనతో - పాపము చేకూరును పాపాన్ని - పాతిపెట్టు పుణ్యాన్ని - చేర్చిపెట్టు అందుకు ఇప్పుడే - నడుం కట్టు 804. తల్లి లాంటి - శిక్షణ తండ్రి లాంటి - రక్షణ.. ఇదే అందరి - సంఘర్షణ 805. దేహమే ఒక - కారు కన్నులు - హెడ్ లైట్లు కడుపు - పెట్రోలు ట్యాంకు నోరు - హారన్ మనస్సు - స్టీరింగ్ ధర్మ, అర్థ, కామ, మోక్షాలు - టైర్లు విశ్వాసమే - వాటి గాలి బుద్ధియే - స్విచ్చు ఇంద్రియ నిగ్రహమే - బ్రేకు తద్వారా - చిత్తశుద్ధి చిత్తశుద్ధి వలన - జ్ఞాన సిద్ధి జ్ఞాన సిద్ధి వలన - మోక్ష ప్రాప్తి 806. దేవుళ్ళందు భేదాలు - వద్దురా దేవుళ్ళంతా - ఒకటేరా 807. మడి మడి అని - అరవకురా మంచి గుణాలే - మడి బట్టలురా! 808. చెడు ఆలోచనలతో - చెడిపోవద్దు. మంచి ఆలోచనలతో - మంచి మనిషిగా బ్రతుకు శక్తి కంటే - యుక్తి గొప్ప అని తెలుసుకో లోకం తీరు 809. ఒకడు - సిగిరెట్టు త్రాగుట వలన క్షయ వస్తుంది. మరొకడు - ఎవరు చెప్పారు ఒకడు పేపరులో చదివాను అయితే పేపరు చదవవద్దు అంటాడు అంతేకాని దురలవాటు మానడు ఇది లోకం తీరు 810. ఆకలి తీర్చుట - మొదటి పని భోధనలు చేయుట - ఆవలి పని 811. వారం వారం - ఉపవాసం ఆరోగ్యంతో - సహవాసం 82. దానమందు నిదానము పనికి రాదు దానము చేయుట పుణ్యము ఖాతాలో పిక్స్డ్ డిపాజిట్ చేయుట వంటిది 813. ఐశ్వర్యము కంటే ముఖ్యము ఆరోగ్యం ఆరోగ్యం లేని ఐశ్వర్యము వ్యర్థము 84. రేపునకు రూపు లేదు మంచి పనులు వాయిదా వేయకు 815. దేవుని కొరకు ప్రయత్నించుట - యోగము భోగము కొరకు ప్రయత్నించుట - రోగము 816. తన్ను తాను విమర్శించు కొనుట - వివేకము ఇతరులను విమర్శించు కొనుట - అవివేకము 817. నీవు ఇతరులకు చేసిన ఉపకారం - మరచిపొమ్ము నీకు ఇతరులు చేసిన అపకారం - మరచిపొమ్ము 818. విశ్వాస పాత్రుడయిన - స్నేహితుడు జీవితమునకు - ఔషధము వంటివాడు 819. దేహాన్ని అంటుకొన్నది మురికి - కొంత కాలం వరకే వుంటుంది. మనస్సును అంటుకొన్న మలినం - మట్టిలో కలిసేంతవరకు వుంటుంది, కావున మురికి అంటించుకోకు 820. విశ్వాసమును పోగొట్టుకొనుట అన్ని నష్టముల లోను గొప్ప నష్టము 821. చిన్న అజాగ్రత్త వలన పెద్ద కీడు కలుగ వచ్చును 822. అసలు తక్కువ - చేసి ఆర్భాటం - ఎక్కువ చేయరాదు 823. అపకారం - అనర్థాలకు మూలం ఉపకారం- ఉన్నతికి మూలం 824. హింసను విడనాడు - అహింసను పాటించు 825. సృష్టిని మార్చలేవు - దృష్టిని మార్చుకో 826. గత జన్మలో మనము ఇతరులకిచ్చిన వానినే ఈ జన్మలో మనము అనుభవించు చున్నాము 827. హితముగను మితముగను మాట్లాడుము మంచి పనులు మాత్రము అధికముగ చేయుము అమితముగ మాట్లాడి అందరిని విసిగించకు 828. రేపు నకు రూపు లేదు 829. లోగడ చేసిన పుణ్యము యొక్క డిపాజిట్ నేడు అనుభవిస్తున్నాం ఇప్పుడు చేసిన పుణ్యము యొక్క డిపాజిట్ భవిష్యత్తుకు ఉపయోగం 830. విశ్వాస పాత్రుడగు స్నేహితుడు జీవితమునకు ఔషధము వంటివాడు 831. రైలులో కూర్చొని లగేజి నెత్తిన పెట్టుకొని నా లగేజి నేనే మోస్తున్నానన్నాడు ఒక పెద్ద మనిషి అలాగే ఈ ప్రపంచాన్ని నేనే నడిపిస్తున్నానని నా వల్లె తెల్లవారుతుందని విర్రవీగే వీరులు కూడ వున్నారు 832. ఈగ సూట్కేసులో జొరబడి వీసా, టికెట్ రెండూ లేకుండా అమెరికా వెళ్ళిందట. మనముకూడ దైవమునాశ్ర యించి దైవానుగ్రహం పొందిన మోక్షధామం చేరవచ్చును 833. సంపన్నుడయిన మూర్ఖుడు సమాజానికి ముప్పు (సరిపడడు) 834. పరమాత్మ సాన్నిధ్యమే - పరమానందం దం 835. భక్తుని హృదయము - భగవంతుని మందిరం 836. నలుపు, తెలుపు దూరదర్శన్ (B & W. T.V.)లో కలర్ బొమ్మలు రానట్లే కఠినాత్ముని హృదయంలో కారుణ్యము జనించదు 837. మానవుని సేవయే - మాధవ సేవ జనుల సేవయే - జనార్థనుని సేవ నరుల సేవయే - నారాయణుని సేవ 839. నవ్వించండి - కవ్వించకండి నవ్వుల పాలు - కానివ్వకండి 840. ఇనుమును చెడగొట్టేది చిలుము (తుప్పు) మనిషిని మనస్సును చెడగొట్టేది దుర్గుణాలు కావున దుర్గుణాలకు దూరంగా ఉండాలి 841. సదాచరము సత్ ప్రవర్తన సమాజమునకు సదా అవసరము 842. పట్టుబట్టలకు ప్రాకులాడుటకంటే పరప్రాణికి మేలు చేయుటకు ప్రాకులాడుము 843. నిన్ను రక్షించుకునేందుకు - ఇతరులపై నింద వేయకు కాలానికి నిరూపించే శక్తి - వుందని మరువకు 844. మంచి విషయాలు - వినిపించుకోని వాడే నిజమైన చెవిటి వాడు 845. కష్ట, నష్టాలను చూచి - పారిపోరాదు కష్ట నష్టాలు పరికలే కాని - జీవితానికి అంతాలు కావు కష్ట నష్టాలనే - వరిపిడి రాయిద్వారా మానవుని వ్యక్తిత్వం - విశదమగుతుంది 846. వడ్లు రోకలి దెబ్బలకు - బియ్యమగునట్లు బంగారం కాగితే - మేలిమి బంగారమైనట్లు మనిషి కష్ట నష్టాలతో - నలిగినకో (కరిగినచో) మంచి మనిషిగ మారగలడు 847. పూజించుము, జపించుము - శక్తి కొలది సహకరించుము శక్తి వుంది - సహకరించకపోతివా! పూజల ఫలితం - పోగొట్టు కున్నట్లే 848. నీ సమక్షమున - పొగడువాడు నీ పరోక్షమున - నిందించడని గ్యారంటి లేదు 849. పొగడ్త - పన్నీరు వంటిది వాసన చూచి - వదిలి వేయాలి త్రాగుటకు - పనికి రాదని గ్రహించాలి 850. బ్రతకటం - గొప్పకాదు బ్రతుకంటే - ఏమిటో తెలుసుకొని బ్రతుకుట గొప్ప 851. క్రింద పడని వాని కంటే - పడి లేచిన వాడు గొప్ప ఎందుకంటే - అతను గోతులు చూచాడు 852. యదార్థం అనే పదార్థం - విలువైనది యదార్థం అను దానిని - అభివృద్ధిలోనికి తెస్తాం యదార్థానికి విలువను - పెంచుదాం 853. ప్రజలను మళ్ళించడం - తేలికే వారిని నడిపించడం - కష్టం 854. ప్రేమించిన వానిని - ప్రేమించుటలో లేదు గొప్ప దూషించిన వానిని - ప్రేమించి చూడు కీడు చేసినా వాడికి - మేలు చేసి చూడు అందులోనే వుంది నీకు - దైవము తోడు 855. సంపదలో కొంత - దాన ధర్మాలకు కేటాయించుము ఆకలి గొన్న వానికి - అన్నము పెట్టుము వస్త్రము లేని వానికి - వస్త్రము అందించుము నీ సంపదకు - సార్థకత చేకూర్చుము ఇట్టి దేవునకు - ఇష్టమైనదిగా భావించుము 856. పక్షి ఎగురుటకు - రెండు రెక్కలు అవసరం మనషి అభివృద్ధికి - జ్ఞానం, కర్మలు రెండు అవసరం 857. కష్ట సమయములో - మిత్రుడెవరో తెలిసిపోతుంది యద్ధ సమయములో - శూరులెవరో తెలిసిపోతుంది 858. తాను పాతిపెట్టిన ధనాన్ని - తానే కనుగొనలేక వెతుకు చున్నట్లే భగవంతుని తనలో ఉంచుకొని - అజ్ఞాని ఎక్కడెక్కడో వెతుకు తున్నాడు. 859. అహం భావం తొలిగితే - దైవ భావం మిగులుతుంది దైవ భావమే అన్ని మతాల - ఆశయం, సదాశయం 860. తన ఇంద్రియాలను - జయించిన వాడు ప్రపంచమును - శాసించగలడు 861. వక్ర మార్గములో - పోవద్దు సక్రమార్గము - వదలవద్దు 862. అహంకారం - రాక్షస గుణం నిరహంకారం - దైవ గుణం దైవ గుణం - కలిగియుండు దైవానుగ్రహం - నీకే యుండు 863. కాషాయ వస్త్రాలు - కట్టుకున్న నీవు నీ మనస్సుకు - కల్మషాన్ని అంటించుకోకు కల్మషము కలిగియుంటివా - కసాయి వాడితో సమానమని తెలుసుకో 864. కొందరికి సమస్తం ఉంటాయి సంతృప్తి మాత్రం - వుండదు సంతృప్తి లేని వానికి - ఎన్ని వున్నా దండగే 865. భక్తి అంటే విలపించుట కాదు యాచించటం అంతకంటే కాదు తనను తాను - సమర్పించుకొనుట ప్రతి వస్తువును - భగవన్మయంగ చూచుట బాధలలోవున్న వానికి-శక్తివంచన లేకుండ సహకరించుట 866. అత్యాశ యనే సెగతో - నీవు సొమ్మసిల్లి పోతివా! తృప్తి యనే చల్లటి ప్రదేశం - నీకు అవసరం ఉన్నదానితో తృప్తి పడుము - లేని దానికి ఎగబడి ఏడ్చకు 867. మనం నవ్వితే - ప్రపంచమంతా నవ్వుతుంది మనం ఏడిస్తే - మనము మాత్రమే ఏడవాలి నవ్వులో - భాగానికి వస్తారు ఏడుపులో - ఎవరు భాగము ఆసించరు బాధలు పంచుకొను - భాగస్వాములు కావాలి మనకు 868. నీవు దానము చేసిన - ధనమే నీది నీవు దాచుకున్న ధనం - నీది అనే గ్యారంటి లేదు దానం చేయుము - నీ ఖాతాలో జమ చేసుకొనుము 869. అజ్ఞానం కంటే - గ్రంథ పఠనం మేలు గ్రంథపఠనం కంటే - గ్రంథం కంఠస్థం మేలు కంఠస్థం చేయుట కంటే - అర్థం చేసుకొనుట మేలు అర్థం చేసుకున్న మంచి విషయాన్ని - అమలు పరచుట అన్నిటి కంటే మేలు 870. శాంతి అనే - ఆయుధం సంపాదించు అశాంతి అనే - శత్రువును జయించు 871. ధనము పోయినా - తిరిగి సంపాదించ వచ్చు పోయిన కాలాన్ని - తిరిగి పొందలేము మంచి పనులు - వాయిదా వేయకు కాలయాపన - చేసి కాలాన్ని వృధా చేయకు 872. ఓటమి చూసి - క్రుంగి పోకు ప్రతి ఓటమి - ఒక విజయ సంకేతమే అనుకో అపజయాన్ని చూసి నిరుత్సాహ పడకు ప్రయత్నం నుండి - జారు కోకు ప్రయత్నించి - ఫలితం సాధించు 873. మీ గురించి చెడు చెప్పితే - బాధ పడకండి మీ ప్రవర్తన ద్వారా - అతని పలుకులు అసత్యాలని - ఋజువు చేయండి మీ మంచి తనాన్ని - నిరూపించు కోండి మీ మంచి తనమే మీకు - శ్రీరామ రక్ష అని తెలుసుకోండి 874. నిద్ర పట్టని వారికి రాత్రి ఎక్కువ - కాలం అనిపిస్తుంది అలసి పోయిన వారికి మైలు దూరం - అమడ దూరంగ అనిపిస్తుంది. జీవించటం తెలియని వానికి - జీవితం దుర్బరమని పిస్తుంది. 875. హృదయం ఆకాశం వలె - విశాలంగ వుంచాలి విశాల హృదయంలోనే - విశ్వనాధుడు కాపుర ముంటాడని గ్రహించాలి 876. వేళ్ళు తొలగించక - చెట్టు కొమ్మలు తొలగించినను చెట్టు తిరిగి చిగిర్చి - వృద్ధి నొందగలదు అలాగే మనిషిలో దాగివున్న - తృష్ణను ఆశను సమూలంగ తొలగించనిచో - దు:ఖము ఉద్భవించుచునే వుండును

మంచిమాటలు 702 to 802

 పాము కరచిన - ఒక జన్మకు హాని పాపముచే కరవబడిన - జన్మ జన్మలకు హాని

702. ద్వేష రాహిత్యమే - భగవంతునికి ప్రీతికరమైన పూజ

703. నీలోని మంచిని - ఇతరులు గుర్తించాలని అభిలషిస్తావు

ఇతరుల మంచిని నీవు గుర్తుంచుటకు - ప్రయత్నించు

704. విశ్వ శాంతిని కోరువాడే - ఆత్మ శాంతిని పొందగలడు

705. మర్యాద చూపండి - మన్నన పొందండి

706. బంధుగణము బ్రతికుండగనే - పీక్కు తింటారు రాబంధువులు చచ్చిన పిదపనే - పీక్కు తింటాయి బంధువుల కంటే రాబంధువులే - మేలంటారు అందరి బంధువులు అలా వుండరని - మరి కొందరు అంటారు

707. వస్తువుకు గ్యారంటి - అవసరము మాటకు వారంటి - అవసరము

708. నీ పొరపాట్లు - తొందర పాట్లు మరొకరికి - అగచాట్లు కారాదు

709. ఉన్నతుడవై ఉన్నను - అణుకువతోనే వుండు అణుకువతోనే - ఉన్నత శక్తివారని మరువకు

710. ఉప్పు కర్పూరము - పోలికలు ఒకటే కావచ్చు రుచులు మాత్రం - వేరు వేరని గ్రహించు

మనిషి మనిషికి - పోలికలు సరిపోవచ్చు అభిరుచులు - వేరు వేరు కావచ్చని గ్రహించు

711. నీ రంగములో - నీవు గొప్పవాడవే కావచ్చు అన్ని రంగాలలో - తల దూర్చకు

తెలియని విషయాన్ని - తెలిసినట్టే నటించకు తెలిసిన విషయాన్ని - తెలియదని తప్పించుకోకు

712. దేవుడు గుడిలో వున్నాడు - అంటాడు సామాన్యుడు దేవుడు అంతటా వున్నాడంటాడు - వివేకవంతుడు

713. ప్రార్థించే పెదవుల కన్నా - చేయూతనిచ్చే చేతులు మిన్న

714. మేలు చేసిన వానికి - కీడు చేయకుము కీడు చేసిన వానికి - మేలు చేయుట మానకు

కూడు బెట్టిన వానిని - కూలద్రోయకు విద్యనేర్పిన వానిని - వెక్కిరించకు

ఉపకారికి అపకారం అసలే - చేయకు అపకారికి కూడ - ఉపకారము చేయుట మానకు

715. స్నానంతో - దేహ శుద్ధి కలుగును ధ్యానంతో - ఆత్మ శుద్ధి కలుగును దానంతో - ధన శుద్ధి కలుగును 716. నవ్వు - ఒక టానిక్ వంటిదని గ్రహించు నవ్వు - అందరిని నవ్వించు

కల్మషం లేని నవ్వు - కల్తీ లేని నవ్వు అదియే ఆరోగ్యకరమైన - నవ్వు అని భావించు

717. ఇహమందు - ఉపకారము చేయుము  పరమందు - పరమాత్మను పొందుము

718. ఆడంబరము - ఆనందానికి దూరం నిరాడంబరము - నిర్మలత్వానికి మూలం

719. ఆత్మ విశ్వాసము లేని వానికి - అన్నీ సందేహాలే

720. ఉన్నతమైన ఆశయాల కొరకు జీవించు   ఆశల కోసం జీవించకు

721. పుచ్చుకొనుటలో చూపిన శ్రద్ధ ఇచ్చుకొనుటలో కూడ చూపించు

722. ఐక్యత సౌభాగ్యం - అనైక్యత దౌర్భాగ్యం

723. ఓర్పును మించిన తపస్సు లేదు

724. కృషి ఉంటే కృప వుంటుంది

725. కరిగే వయస్సు - కదిలే జలము తిరిగిరావు

726. గుడులను పెంచుట మంచిదే సద్గుణాలను పెంచుట మరీ మంచిది

727. విచారంగ లేకపోవుట - సంతోషానికి కొలబద్ద

728. సైనిక బలము కన్న - నైతిక బలము మిన్న

729. హరికి దాసులు - కావాలి  సిరికి దాసులు - కారాదు  

730. హృదయం క్షీర సాగరం - కావాలి క్షార సాగరం - కారాదు 

731. సాక్షరుడు రాక్షసుడుగ మారరాదు

732. ఉండాలి మనము ఉన్నత ఆశయాలతో చూడాలి మనము అందరిని సమానంగా

ఆదరించాలి అందరిని ఆప్యాయంగా అప్పుడే అనుభవిస్తాడు ఆ భగవంతుడు

733. అలవర్చుకోవాలి - సకల సద్గుణాలు  అవే మనకు - ఈశ్వర సన్నిధికి మార్గాలు

734. మతం మానవునికి - మత్తు మందు కారాదు మతాతీతుడే సర్వులలో - సర్వ శ్రేష్టుడు

735. ప్రేమతో క్రోధాన్ని జయించాలి శత్రువునైనా ప్రేమతో వశపరచుకోవాలి

736. అన్ని మతముల సారం - సత్యమొక్కటే సత్యంగా జీవించు; అహింస పాటించు

737. దేవుని ప్రార్థించు ; సద్గుణాలు ఆచరించు సత్ఫలితాలు సాధించు

738. కర్తవ్యం నుంచి పలాయనం చిత్తగించకు విధి లిఖితం అని సరిపుచ్చకు

739. దేవుడే అన్ని చూసుకుంటాడని ఏ పని చేయక దేవుడిని బాధ్యునిగా చేసి

సోమరితనం పెంచుకోకు

740. డాక్టర్ గారూ ఆరోగ్యం - ఇవ్వలేరు చెడు అనారోగ్యం లేకుండా చేస్తారు.

741. నిరాడంబరమే మానవునికి - వెల లేని ఆభరణము నరుని సేవ చేస్తే - నారాయణుని సేవించినట్లే

742. నీతియే జాతి - అది వదిలితివా నీవు కోతి

743. నీతి నిరంతరం అవసరం

744. నీతి లేని వాడు, నిజాయితీ లేనివాడు నిజమైన మనిషి కాడు

745. పరీక్ష వద్దంటే ప్రగతిని నిరోధించినట్లే

746. భగవంతుడు చెప్పింది చేయి భగవన్నామాన్ని పట్టుకో - భవసాగరాన్ని దాటుకో

747. భగవంతుడు - భావ ప్రియుడే కాని బాహ్య ప్రియుడు కాదు

748. వెంట వచ్చేది - సంస్కారమే కాని సంసారం కాదు

749. రెండు దుఃఖముల విరామమే - సుఖముగా గోచరిస్తున్నది

750. లోకేషునికి వశము చేసుకుంటే లోకమే వశమవుతుంది.

751. వాదన సాధనకు పనికి రాదు

752. విత్తం సంసారమునకు అప్పగించు చిత్తం భగవంతునికి అప్పగించు

753. మనిషన్న వానికి - మంచి మనస్సుండాలి మలిన మనస్సుగలవాడు - మానవత్వం లేనివాడై ఉండాలి

754. దివ్య జీవితం కొరకు - తపించు దివ్యమైన పనులు - చేయుము దివ్య పురుషుల - జాబితాలో చేరుము మానవత్వ విలువలు - తెలుసుకొనుము మానవత్వాన్ని - సార్థకం చేసుకొనుము

755. కాకిలా - గోల చేయకు కోయిలలాగా - గానం చేయుము

756. ప్రేమ ఖడ్గము లేకనే పరిపాలిస్తుంది తాడు లేకనే ఛేదిస్తుంది

757. ఇతరుల ఉన్నతికి - అడ్డు తగలకు నీ ఉన్నతికి అది - ఉపయోగపడునని మరువకు

758, తాను మింగేది ఆహారం తనను మింగేది మృత్యువు అట్టి మృత్యువు దరి చేరక ముందే మంచి పనులు ముగించాలి

759. పాపమును డిపాజిట్ చేసిన - దుఃఖము అను వడ్డీ వచ్చి తీరును పుణ్యమును డిపాజిట్ చేసిన సుఖము, ఆనందము అను వడ్డీ లభించును కావున పుణ్యాన్ని - పెంచుకో

పాపాన్ని - త్రెంచుకో

760. చిన్న రంధ్రాలే - పడవను ముంచును చిన్న దోషాలే - మనిషిని త్రుంచును

761. ప్రపంచమే - మన ఇల్లు;  ఇతరులకు మేలు చేయుటయే - మన మతము 

762. మనము తిన్నది - మట్టిపాలు ఇతరులకు ఇచ్చింది - మన పాలు 

763. కోరికలేల - మనకు-కొండంత - దేవుడుండ

764. ఓర్పు అందరికి ఆరోగ్యకరము

765. దుర్గుణాలను - దులపండి-సద్గుణాలను - పొందండి దుర్గుణాలకు - దూరంగా ఉండండి

సద్గుణాలకు - సమీపంగా ఉండండి

766. సద్గుణాలనే పూలతో - పూజించండి దుర్గుణాలు గల పూజలు - చెల్లని నోట్ల వంటివని

తెలుసుకోండి

767. ప్రేమతో - శాసించు-ద్వేషంతో - దూషించకు

768. శాంతి - సంపదలలో లేదు సంతృప్తియే సకల సంపదలకు మూలం తృప్తి లేని మానవుడే దఃఖమనుభవించును

769. అన్నిటికంటే విలువైనది - మౌనము మౌనము ద్వారా - మహా కార్యాలు రూపు దాల్చగలవు

770. మానవ శక్తికి - ఆగనిది కాలము కాలమును - వృధా చేయుట అవివేకుని లక్షణము

771. శక్తి కంటే - యుక్తి గొప్పది-యుక్తి కంటే - వివేకం గొప్పది

772. పుట్టిన తేదీ గుర్తుంచుకొనుట కంటే పుట్టింది ఎందుకో - గుర్తించుట మంచిది

773. కష్టాల వల్ల - విసుగు-విసుగు వల్ల - తెగింపు తెగింపు వల్ల - సుఖం కలుగును

774. దురలవాట్లే - శత్రువులు-సద్గుణాలే - మిత్రులు

775. తలలోని తప్పును, ఇతరుల మంచిని వెతుకు వాడు ఉత్తముడు

776. విరక్తి లేనిచో - విముక్తి కలుగదు

777. కాలు జారిన కొంత బాధ,-నోరు జారిన అమిత బాధ కావున నోటికి అదుపు అవసరం

778. జరగనున్నది - జరగక మానదు.- జరగబోనిది - జరగనే జరగదు ఈ భావన - ఉన్న వానిని ఏ చింతలూ బాధించవు

779. దురాశ - దుఃఖమును కలిగించును దుష్ఫలితముల నిచ్చును

780. అత్యాశ - అధోగతికి చేర్చును ఇచ్చిన దానము - వచ్చిన గౌరవము మరచుట మంచి

వారి లక్షణము

781. ఆవేశముతో - ఆలోచించకు ఆవేశము - అనర్థాలు కలిగించునని మరువకు

782. కారములకెల్ల కారం అపకారం, అహంకారం ఇట్టి కారం అధోగతికి మూలాధారం

783. చిరిగిన వస్త్రమును - సరిచేయుట తేలిక విరిగిన మనస్సును - సరిచేయుట కష్టము

784. తన అజ్ఞానము - తెలుసుకోవడమే నిజమైన - జ్ఞానము

785. ఏ మార్గమైనా పర్వాలేదు-దుర్మార్గము కాకుంటే చాలు

786. నోటితో దేవుని స్మరించు-చేతితో ప్రాణులకు సహకరించు

787. శుద్ధి లేని - ఆచారము-భూత దయ లేని - తపస్సు సత్యము లేని - వాక్కు వ్యర్థము

788. దేహాన్ని, గృహాన్ని అలంకరించుటలో తృప్తి పడకు సద్గుణాలతో మనసును అలంకరించు సంతృప్తి చెందుము

789. మీరు చెప్పిందే - సరియైనదని మీరు చేసిందే - సక్రమమని మీకు నచ్చిందే - మంచిదని

మీరు మెచ్చిందే - మేలైనదని మీ మాటలే - నెగ్గాలని భావించవద్దు, వాదులాడవద్దు

ఎదుటివాని అభిప్రాయం వినుటకు తెలుసుకొనుటకు కూడా ప్రాధాన్యత ఇచ్చుట మరువవద్దు

790. ఇనుమును చెడగొట్టేది - చిలుము మనిషి మనసును చెడగొట్టేవి - దుర్గుణాలు

కావున దుర్గుణాలకు దూరంగా ఉందాం

791. ప్రపంచమే - నీ ಇಲ್ಲು ఇతరులకు - మేలు చేయడయే నీ మతము

792. చెడు వాగుడు వాగి-నోటిని కలుషితం - చేసుకోకు నోటిని నీ అదుపులో - ఉంచుకొనుట మరవబోకు నోరు జారితే - అమిత బాధని తెలుసుకో నోటికి మీటరు అవసరమని తెలుసుకో

ఆ మీటరు బిల్లు - పెరగకుండా చూచుకో

793. పుచ్చుకొనుట - అందరికీ తెలుసు ఇచ్చుకొనుట - కొందరికే తెలుసు

794. నిరంహంకారము - నిర్మలత్వమును కలిగించును అహంకారము - అధోగతిని కలిగించును

795. అన్నీ తెలిసినను విర్రవీగడు - వివేకవంతుడు  ఏదీ తెలియకపోయిన విర్రవీగును - వివేకరహితుడు

796. హద్దు, పద్దు, సరిహద్దు, అదుపులేని కోరికలు - వద్దు ఇది రహదారికి ఆటంకాలని మరువ - వద్దు

797. మనస్సును - అదుపులో పెట్టుకో మంచితనముతో - మసలుకో మనసును గాయపరచి - మలినం అంటించుకోకు మానసిక ప్రశాంతత - అలవరచుకో మానవత్వం విలువ - తెలుసుకో

మంచి మనసున్న - మనిషివి అనిపించుకో మానవత్వానికి - సార్థకత చేకూర్చుకో

798. హితం - విషం అనిపించరాదు నిజాలు - కష్టమనిపించరాదు

799. దేవుడంటే - మనకు ఇష్టమే దేవుడు - మనమంటే ఇష్టపడాలి దేవుడు చెప్పిన - మంచి పనులు చేయాలి దేవుడికి - దగ్గర కావాలి గాలి లేని చోట - ఉండవచ్చు దేవుడు లేని చోట - ఉండనే ఉండలేము

800. అసత్యాన్ని - అనుసరిస్తున్నారు సత్యాన్ని - అణగత్రొక్కుతున్నారు సత్య వాక్కుకు గల బలము - చెప్పలేని బలమన్నారు సత్యాన్నే పలుకుదాం - అసత్యాన్ని అంతము చేద్దాం

801. కష్టాలు అని కలత చెందకు. నష్టాలు అని - నలిగి పోకు. కష్టమేలేకున్న - సుఖము యొక్క మధురానుభూతి తెలియదన్న. తినగ తినగ వేము - తీయగ నుండన్నా

802. సురాపాన మత్తు - కొంతవరకే ప్రమాదకరం ఐశ్వర్య మత్తు - కొన్నిటికే ప్రమాదకరం

అధికార మత్తు - అధిక ప్రమాదకరం

మంచిమాటలు 604 to 701

మంచిమాటలు 604 to 701 604. మానవత్వం - విలువ తెలుసుకో మానవత్వానికి - మలినం అంటించకు మానవత్వానికి - మచ్చ తెచ్చితివా మాధవుడు కూడా - క్షమించడు 605. వదలిన బాణం - వెనక్కు రాదు చేసిన పాపం - వదలి పోదు 606. బలముందని - బజారున పడకు బుద్ధి బలం పెంచుకుని - బుద్దిగా ఉండు బుద్ధి లేని మనిషి - శుద్ధ దండగ 607. ప్రజలు నిన్ను గుర్తించలేదని - ఆందోళన చెందకు గుర్తింపునకు సరిపడ - సమర్థత పెంచుకో 608. ఇంట గెలిచి - రచ్చ గెలువు అన్నీ బాగుంటే - అందరూ పెద్ద మనుష్యులే 609. అద్దములోని నీ స్వరూపానికి - దండ వేయలేదు నీ మెడలో దండ - వేసుకుంటే అద్దంలోని నీకు దండ పడుతుంది. లోకులను - బాగు చేయాలంటే ముందు నిన్ను నీవు - బాగు చేసుకో నిన్ను నీవు - సరిదిద్దుకోగలిగినప్పుడు ఇతరులను - తేలికగా సరిదిద్ద గలవు 610. కనికరం - కలకాలం ఉంచు కాఠిన్యం - కలలో కూడ ఉంచకు బండతనం మొండితనం - బ్రతుకు అప్రయోజనం నిస్వార్థం, జాలితనం - జీవితానికి ప్రయోజనం 611. పరిస్థితులు కలిసివస్తే - నా గొప్పతనమే నంటారు పరిస్థితులు విషమిస్తే - భగవంతుని దయ లేదంటారు 612. స్వలాభం - అప్రధానంగా చూడు పర లాభం - ప్రధానంగా చూడు 613. తల్లి ప్రేమ - తరగనిది అది - ఊట బావి వంటిది 614. ప్రజా సేవ చెయ్యి - ప్రగతిని సాధించు ప్రగతి లేనిదే - ప్రయోజనం లేదు 615. అహం వద్దు - పేదలు ముద్దు ఇదే మన హద్దు 616. కావలసినవి - దొరకనప్పుడు దొరికిన వాటితో - తృప్తి పొందుము కోరుకున్నవి - దొరకనప్పుడు దొరికినవే - కోరుకొనుము 617. నీవు ఇతరుల నుంచి - మంచినే ఆశిస్తావు ఇతరులకు కూడా - మంచినే పంచి ఇవ్వు 618. కత్తి ఉందని జేబులు కత్తిరించకు చేతులు ఉన్నాయని - చేయరాని పనులు చేయకు అధికారముందని - అహంకారం చెందకు అహంకరించితివా - అధోగతే అని మరువకు 619. దీపముందని - గుడిసెలు కాల్చి గుండెలు ఆర్పకు దీపముతో - దీన జనులకు వెలుగునివ్వు 620. దేవుని వద్ద గల దీపానికి - అందరూ నమస్కరిస్తుంటారు కల్లుకొట్టు వద్ద గల దీపానికి - అందరూ ఎంగిలి ఊస్తూ ఉంటారు స్థలా భోగం - శీలా భోగం అంటే ఇదేనంటారు 621. కలాయి లేని పాత్ర - పులుసుకు పనికిరాదు అసూయ గల మనిషి - ఎందుకు పనికి రాడు అసూయ - ఏరు పురుగు వంటిది ఏరు పురుగు కనిపించదు - చెట్టును చిత్ర వధ చేస్తుంది అసూయ కూడా - మనిషిని సర్వనాశనం చేస్తుంది 622. దారి తప్పితే కొంతే - ప్రమాదం నీతి తప్పితే అంతా - ప్రమాదమే 623. శాంతి ఉన్నచో - సమస్తం ఉన్నట్లే శాంతి లేనిచో - ఏమీ లేనట్లే 624. అమర్యాదగా - జీవించుట కంటె గౌరవముగా - మరణించుట మేలు 625. ఏ మార్గమైనా పర్వాలేదు - దుర్మార్గం కాకుంటే చాలు అవసరాలకు మించి - ఆశ పడకండి 626. అతి భాషణ - మతి హాని మిత భాషణ - అతి హాయి 627. తిన్నది జీర్ణమగుట - ఎంత ముఖ్యమో విన్నది ఆచరించుట - అంతకంటే ముఖ్యము మంచినే వినుము - మంచియే చేయుము 628. హింసించే వాడు - హీనుడు రక్షించే వాడు - మానవుడు 629. నీలో ఉండే దోషాలు - చూచుకో అవి రాకుండా, లేకుండా - చేసుకో ఇతరులలోని దోషాలు - ఎంచకు 630. అన్నిటికంటే సులభం - ఇతరుల తప్పులను భూతద్దంలో చూపించడం. అన్నిటికంటే కష్టం - తన తప్పును తెలుసు కోలేక పోవడం 631. పాము కన్నా ప్రమాదకరం - పాప కార్యం పాప కార్యాలే - పతనానికి మూలం దైవ ప్రీతి, పాప భీతి, సంఘ నీతి ఈ సూక్తి అందరికి స్ఫూర్తినిచ్చును గాక 632. చిన్న చిన్న విషయాలను - పెద్దవిగా చేయకండి ; గోరంతలు కొండంతలు చేసి గొడవలు సృష్టించవద్దు 633. మంచి పనులు - చేయండి మంచి మనుషులుగా - నిలవండి మీ మంచితనమే - మీకు కొండంత అండ అని తెలుసుకోండి 634. మానవ శరీరం ధరించిన వారంతా - మానవులే మానవత్వం గలవారే - అసలైన మానవులు 635. సహనమే - సంస్కృతి మానవతే - నాగరికత 636. పగిలిన అద్దం - పనికిరాదు విరిగిన మనసు - అతకదు కరిగిన మనస్సే - కావాలి కాఠిన్యం - తరగాలి; కారుణ్యం - పెరగాలి 637. హృదయ వైశాల్యమే - విశాల సామ్రాజ్యం 638. మనిషి - అకాలం మానవత్వం - చిరకాలం 639. నీరు - ప్రాణాధారం నిజము - శాస్త్రాధారం 640. కరుణ - మానవత్వానికి వివరణ 641. మమ్మీ డాడీ వద్దు అమ్మా నాన్నే - ముద్దు 642. తోటి మనిషిని - ప్రేమించు మంచి మనిషిగా - జీవించు 643. మానవత్వమే - పండగ దానవత్వం - దండగ 644. తన సంతోషమే - స్వర్గము తన దుఃఖమే - నరకము 645. మంచి తనమే - మహా బలము చెడ్డ తనమే - గొప్ప శాపము 646. మనిషి అశాశ్వతం - మానవత్వం శాశ్వతం 647. దుర్భుద్ది వద్దు - సద్భుద్ధి హద్దు 648. ఇచ్చుకొనుటలో ముందుండు పుచ్చుకొనుటలో - వెనకుండు 649. ఎవరి స్వార్థం - వారిది నిస్వార్థం - కొందరిది నిస్సహాయ స్థితిలో - వెనక్కి తిరిగి చూస్తూ వుంటావు ఆదుకొనువారు - ఎవరు రాలేదని తెలుసుకునే వుంటావు నీ వద్ద ఉన్న దానిని -కాజేయుటకు వచ్చు వారిని గమనించే ఉంటావు వాడు కాజేయకముందే - మంచి పనులకు నీవే వెచ్చించు 650. అంత్య కాలం - అందరికీ ఉంది ఉన్న కాలం - మంచికే వినియోగించు నీ మంచి తనమే - నీకు శ్రీరామ రక్ష 651. పోలీసు వాడిని చూస్తే - దొంగకు భయం యముని చూస్తే - పాపికి భయం పాపంతో - ప్రయోగాలు చేయకు త ఉండ పాపం - పతనానికి మూలం 652. విజ్ఞానం వికసించాలి అజ్ఞానం - అడుగంటాలి బాటలు అనేకం డోవ్వెత్తులు 348 653. నగరం ఒకటే - బాటలు అనేకం దేవుడు ఒకటే - దారులు అనేకం బంగారం ఒకటే - ఆభరణాలు అనేకం. దూది ఒకటే - బట్టలు రకరకాలు పాలు ఒక్కటే - గోవులు పలు రకాలు లేదా పలు వర్ణాలు 654. ఆభరణాలతో - అందం రాదు మంచి గుణాలే - మనిషికి అందం 655. నీకు కష్టం నష్టం కలిగించేవి - ఇతరులకు పంచకు నీకు ఆనందం అందించిన వాటిని - అందరికీ పంచుము 656. సత్యానికి స్వాగతం పలకండి అసత్యానికి - వీడ్కోలు చెప్పండి 657. త్యాగానికి - పట్టం కట్టండి లోభానికి - సంకెళ్ళు వేయండి 658. శత్రువు చెడిపోతుంటే చెప్పడు అదే మంచిదని ప్రోత్సహిస్తాడు. మన పతనానికి దారి చూపిస్తాడు 659. మిత్రుడు ఘాటుగా దండించి దారి మళ్ళించి చక్క దిద్దుతాడు, సక్రమంగా నడిపిస్తాడు 660. బంధాలే బరువులు బంధువులు రాబందులు 661. మనిషికి, మనసుకు - బంధాలే బరువులు 662. ముడి పెట్టుట - సులభతరం ముడి విప్పడమంటే - కష్టసాధ్యం 663. చచ్చిన వాని ఆస్తి కొరకు - వాదులాడు వారు కొందరు వాని బంగారు కన్ను కొరకు - ఏడ్చేవారు మరి కొందరు ఏడిపించేవారు - ఎక్కువైనారు - ఏడుపు మాన్పించేవారు తగ్గుతున్నారు. 664. చచ్చిన చెట్టుకు - నీరు పోసిన ప్రయోజనముండదు ఆచరించని వానికి - ఎన్ని నీతులైనా ఉపయోగముండదు 665. భక్తి ఉంచుకో - బాధలు త్రెంచుకో సత్యమే మానవునకు - పథ్యమై యుండాలి 666. పాపిని దుఃఖాలు - పట్టి పీడించు పుణ్యునికి సౌఖ్యాలు - ప్రీతితో చేరు ప్రేమతో ద్వేషాన్ని - పారద్రోలు చెడు తలంపు - తెచ్చు చేటు మనకు 667. పాప కార్యాలు - పడత్రోయు నరకాన పాపాన్ని విషమువలె - పారవేయి ఇహలోన 668. హింసకు - ప్రతి హింస పనికి రాదు చెడు చేరదీయకు - మంచి మానివేయకు 669. అసూయే అశాంతికి - మూలమని మరువకు 670. చేయకు మళ్ళీ మళ్ళీ - చెడ్డ కార్యాలు చేయుము మళ్ళీ మళ్ళీ - మంచి కార్యాలు 671. చెడును ఆచరించకు - మంచిని త్రోసి పుచ్చకు మంచిని ఆచరించుటలోనే - ఆనందించుట మరువకు 672. శాంత స్వరూపుడే - నిజమైన సాధువు 07. ఇంద్రియాలను జయించిన వాడే - విజ్ఞాన ఘనుడు మానవుని శత్రువులు 673. అవివేకం - మూర్ఖున్ని చేస్తుంది అజ్ఞానం - కుసంస్కారిని చేస్తుంది అసూయ - అనర్థం చేస్తుంది అసురత్వం - అరాచకం చేస్తుంది ఇవన్ని ఒకేచోట చేరితే మానవుడు దానవుడవుతాడు, అనగా రాక్షసుడవుతాడు, అలా కారాదు మానవుడు మాధవుడు కావాలి అదే జీవితాశయంగ మారాలి మానవుని మిత్రులు 674. జ్ఞానం - పరిపూర్ణత నిస్తుంది విజ్ఞానం - వివేకవంతుణ్ణి చేస్తుంది మంచితనం - మానవత్వాన్ని పెంచుతుంది ప్రేమ - అమరత్వం కలిగిస్తుంది పశ్చాత్తాపం - సమస్త మాలిన్యాన్ని పోగొడుతుంది ధర్మం - అందరిని రక్షిస్తుంది దైవత్వానికి మార్గం 675. మంచినే - చూడండి మంచినే - వినండి మంచినే - మాట్లాడండి మంచినే - తలచండి మంచినే - చేయండి దుర్మార్గం - దులపండి సన్మార్గం - పొందండి 676. దాచుకునే - స్వార్థం వద్దు దోచుకునే - దౌర్భాగ్యం వద్దు అపకారం - వద్దు ఉపకారం - ముద్దు 677. కష్టాలను చూచి పారిపోరాదు సుఖాలను చూచి - మురిసిపోరాదు 678. ఆశ అధికమైతే - అగచాట్లు ఎక్కువ ఆశ లేని వానికి - ఆనందమే మక్కువ 679. దురాశ దుఃఖాన్ని - ఇచ్చును అత్యాశ అధోగతిని - చేర్చును 680. హింసించే వారంతా - హీనులు హింస చేయని వారంతా - హీరోలు 681. మతమనగా: గుడులు కట్టించుట గుండ్లు గీచుకొనుట గంటలు మ్రోగించుట నైవేద్యము పెట్టుట కొబ్బరి కాయలు కొట్టుట పూజలు చేయుట యాగాలు చేయుట మాత్రమే కాదు మతిని శుద్ధం చేసేదే - మతమై యుండాలి - మానవత్వం లేని మతం - మతమే కాదు మానవుని దానవుని చేసేదే - మతం కాదు మానవుని మాధవుని చేసేదే - నిజమైన మతము 682. ముసలిపై కూర్చొని - నదిని దాటలేరు దుర్గుణాలు అనే ముసలిపై - సవారి చేస్తున్నారు మోక్ష ధామము అనే - గమ్యము చేరలేరు 683. కంటి డాక్టరుకు - కన్ను పంటి డాక్టరుకు - పన్ను హార్టు డాక్టరుకు హార్టు పని చేస్తాయను గ్యారంటీ లేదు. దైవమే అందరికి శరణ్యము 684. తంటాలు పెట్టకు - తమాషా చూడకు 685. ద్వేషాన్ని జయించాలంటే - ప్రేమను పెంచవలసిందే ప్రేమను పంచు - ద్వేషాన్ని త్రుంచు . ప్రేమ ఉన్న చోట - ద్వేషానికి చోటు లేదని గ్రహించు 686. నీరు పారుదల లేకపోతే - పాచి పడుతుంది తిన్నది విసర్జించక పోతే - కడుపు కంపు కొడుతుంది నీ సంపాదనలో కొంత - దానము చేయుము దానము చేయని ధనము - దండగే అవుతుంది దానము చేయుము - ధనానికి సార్థకత చేకూర్చుము 687. సలహాలు కంటే - సహాయం మిన్న మంచి తనమే - మానవత్వమన్నా 688. నీకు తెలియంది - తెలుసుకో తెలిసింది - దాచుకోకు 689. ఇంట్లో శతృవులతో కొంత బాధ వంట్లో శతృవులతో - అమిత బాధ మన ఇంద్రియాలే - మనకు శత్రువులు ఇంద్రియాలను జయించు - విజయం సాధించు లోకాన్ని జయించి తృప్తి చెందకు - ఇంద్రియాలను జయించి సంతృప్తి చెందుము 690. మంచి మాట - మంచి ఊహ మనిషికి మనస్సుకు - ఆరోగ్యకరము 691. నీ చెంప నీవు - కొట్టుకోవు ఎదుటి వాని చెంప - కొట్టకు 692. శాంతముతో - కోపాన్ని జయించు ప్రేమతో - ద్వేషాన్ని జయించు దానముతో - లోభాన్ని జయించు అహింసతో - హింసను జయించు 693. ఆహార నియమములు పాటిద్దాం సాత్వికాహారము, మితాహారము, దైవార్పితాహారము, న్యాయార్జితాహారము భుజించు 694. నీ కంట్లో కారం - చల్లుకోకు ఎదుటి వాని కంట్లో - కారం చల్లకు ఉండ నీ వలె ఇతరులను - చూచుకో 695. చెడు చేసి - చెడిపోకు మంచి పనులు చేసి - మనిషిగ బ్రతుకు 696. బొగ్గును పాలతో కడిగిన - నలుపు పోదు కొందరికి ధర్మ బోధ ఎంత చేసిన - మనస్సు కరగదు 697. కల్తీ లేని మనిష్యులు - కల్మషం లేని మనుష్యులు కాఠిన్యం లేని మనుష్యులు - కారుణ్యం గల మనుష్యులు కరుణా మూర్తులు - కరువైనారు మనకు కనికరం గల కరుణామూర్తులు - కావాలి మనకు 698. నిజమైన భక్తుడు - అన్నీ నీ వస్తువులే స్వామీ మీ పాదాలు మాత్రమే - నావి అని అంటాడు 699. కోపాన్ని - కోపగించుము ఆవేశాన్ని - అరికట్టుము లోభాన్ని - వదిలి వేయుము ఈర్ష్యను - ఈడ్చి వేయుము అసూయను - అంతము చేయుము ద్వేషాన్ని - దులిపి వేయుము దోషాన్ని - దూరం చేయుము ఆశను - అణగ ద్రొక్కుము రోగము - వదిలిపోవును 700. క్రోధాన్ని - గెంటి వేయుము అహంకారాన్ని - అణగ ద్రొక్కుము దుర్గుణాలను - దులిపి వేయుము సద్గుణాలకు - స్వాగతం పలుకుము 701. పాము విషము కన్న - పాప కార్యము విషము మిన్న పాప కార్యాలు - చేయబోకన్న మంచిమాటలు 604 to 701